Өлгөм үүнүүлээх,  көмүс күһүн барахсан тиийэн кэллэ. Балаҕан ыйын 8     күнүгэр оскуола бааһынатыгар хаппыыстаҕа уонна хортуоскаҕа  субботник буолан ааста. Оскуола үлэһиттэрэ, учууталлара уонна үөрэнээччилэр бары күргүөмүнэн тахсан  үөрэ-көтө сайыны быһа көрөн-харайан үүннэрбит үүнээйибитин хомуйдубут. Үгүс элбэх хортуосканы хостоон оголор барахсаттар үөрүүлэрэ сүрдээх. Мантан кыһын остолобуойга повардар астаабыт араас салаттары, минньигэс, сылаас астары аһыахтара.