Ахсынньы 27 күнүгэр улуус баһылыгын  елката буолан ааста. Бу  баһылык елкатыгар улуус бастыҥ үөрэнээччилэрэ, активистара, спортсменнара муһуннулар. Биһиги оскуолабытыттан бастыҥ үөрэнээччилэр "Мальта” куоракка ыытыллыбыт международнай научнай-практическай конференция лауреаттара Дуня Литвинцева, Наташа Соловьева уонна оскуола биир бастыҥ спортсмена Сеня Ефремов кыттыыны ыллылар. Бу тэрээһиҥҥэ  уопсайа барыта 40-ча оҕо кыттыыны ылла.                                                                                                    Елка сарсыарда 10 чаастан саҕаламмыта, ол кэннэ 2 чаастан Таатта улууһун баһылыгын М.М.Соровы кытары көрсүһүү буолбута. Баһылыгы кытта аһаҕас кэпсэтиигэ оҕолор араас ыйытыылары биэрэн, бэйэлэрин долгутар ыйытыыларга сөптөөх хоруйу ылан астыннылар. Ол кэннэ саҥа дьыллааҕы эҕэрдэ нүөмэри көрдүбүт. Түмүгэр баһылык хас биирдии оҕоҕо анал сертификат туттарда. Бүтэһигэр уоттаах-күөстээх  дискотека буолбута. Дуоһуйа сынньанан, астынан, оҕо бөҕөтүн кытта билсэн кэллибит.